வேலுர் மாவட்டம் ஊரகப் பகுதிகளில் உள்ள பள்ளி தலைமை ஆசிரியர்கள் கவனத்திற்கு
ஊரகப் பகுதிகளில் உள்ள பள்ளிகளில் பயிலும் மாணவர்களுக்கான திறனாய்வுத் தேர்வு
( Trust Exam) ஜனவரி 2021ல் நடைபெறவுள்ளது. அத்தேர்வு எழுத விருப்பம் உள்ள மாணவர்களிடமிருந்து உரிய விண்ணப்பங்கள் பெற்று அரசுத் தேர்வுகள் இணையதளத்தில் உள்ளீடு செய்வது தொடர்பான அறிவுரைகள் மற்றும் வழிகாட்டி விவரங்கள் இத்துடன் இணைத்து அனுப்பலாகிறது. ஊரகப் பகுதிகளில் உள்ள தலைமை ஆசிரியர்கள் இணைப்பில் காணும் வேலுர் மாவட்ட முதன்மைக் கல்வி அலுவலர் அவர்களின் செயல்முறை கடிதத்தில் தெரிவித்துள்ள அறிவுரைகளை பின்பற்றி செயல்படுமாறு கேட்டுக்கொள்ளப்படுகிறார்கள்.
முக்கிய குறிப்பு
1. ஊரகப் பகுதி , கிராமபுற, பஞ்சாயத்து மற்றும் டவுன்சிப் பகுதிகளில் உள்ள அரசு மற்றும் அரசு அங்கீகாரம் பெற்ற பள்ளிகளில் பயிலும் மாணவர்கள் மற்றும் இத்தேர்விற்கு விண்ணப்பிக்கலாம்.
2. நகராட்சி மற்றும் மாநகராட்சிப் பகுதிகளில் படிக்கும் மாணவர்கள் இத்தேர்விற்கு விண்ணப்பிக்க கூடாது.
மேலும் 17-12-2020 அன்று மாலை 05.00 மணிக்குள் ஊரக திறனாய்வுத் தேர்வு எழுத விண்ணப்பித்த மாணவர்களின் விண்ணப்பங்கள், அரசுத் தேர்வுகள் இணையதளத்தில் உள்ளீடு செய்த விவரம் மற்றும் கட்டணம் விவரங்கள் வேலுர் மாவட்ட முதன்மைக் கல்வி அலுவலகத்தில் B 4 பிரிவு எழுத்தரிடம் நேரில் ஒப்படைக்க உரிய நடவடிக்கை மேற்கொள்ளுமாறு சார்ந்த பள்ளி தலைமை ஆசிரிர்கள் கேட்டுக்கொள்ளப்படுகிறார்கள்.
இணைப்பு
ceo vellore TRUST Exam 2020-2021 Notification
முதன்மைக் கல்வி அலுவலர்
வேலுர்
பெறுநர்
ஊரகப் பகுதிகளில் உள்ள பள்ளி தலைமை ஆசிரியர்கள்
நகல்
மாவட்டக் கல்வி அலுவலர் வேலுர் அவர்களுக்கு தகவலுக்காகவும் தொடர் நடவடிக்கைக்காகவும் அனுப்பலாகிறது.